एजेन्सी इजरायल, जेठ २० ।
इजरायली प्रधानमन्त्री वेन्जामिन नेतन्याहुको कार्यालयमा कार्यरत एक कर्मचारीमा कोरोना भाइरसको संक्रमण पुष्टि भएको छ।प्रधानमन्त्रीको कार्यालयले आफ्ना एक कर्मचारीलाई कोरोना भएको जानकारी दिएको हो।
यसैगरी कार्यालयले जारी गरेको विज्ञप्तिमा प्रधानमन्त्री नेतन्याहु ती कर्मचारीको सम्पर्कमा आए(नआएको बारेमा भने केही बताइएको छैन।
कार्यालयले संक्रमित व्यक्तिको सम्पर्कमा आएका मानिसहरूका लागि निर्देशनहरू जारी गरिने जनाएको छ।७० वर्षीय प्रधानमन्त्री नेतन्याहुले यसअघि पनि कोरोना संक्रमणको खतराको सामना गरिसकेका छन्।
मार्चमा उनका एक सल्लाहकारलाई कोरोना पुष्टि भएको थियो भने अप्रिलमा उनका तात्कालिन स्वास्थ्य मन्त्रीको कोरोना जाँच गरिएको थियो। तर, ती मन्त्रीमा कोरोना नेगेटिभ देखिएको थियो।
इजरायलमा हालसम्म १७ हजार १ सय मानिसमा कोरोनाको संक्रमण पुष्टि भएको छ भने सोका कारण २ सय ८५ को मृत्यु भएको छ।हालैका दिनमा त्यहाँ संक्रमितदर बढेको छ।
यो विषयमा टिप्पणी गर्नुहोस् !