द र्सार्य मिथिला समाचारदाता
जनकपुरधाम, जेठ १८ ।
नेपाल झन्डै दुई महिनादेखि लकडाउनमा रहेको छ तर यस्तो समयमा समेत लागुऔषदको ओसारपसारमा कमि आएको छैन ।
लकडाउन अवधिमा प्रदेश २ मा १ सय ४१ जना १ सय २३ केजी ५ सय ग्राम गाँजा, १ केजी ६५० ग्राम ३ सय मिलिग्राम चरेस र ९ हजार ६ १५ पिस ट्याब्लेट सहित पक्राउ परेका छन ।
भारतसँगको खुला सीमानाकाको कारण यहाँ दिनहु लागुऔषद ओसारपसार हुने गर्छ तर अहिले कोरोना भाइरसको कारण देश लकडाउन रहेको समयमा समेत यसमा कमि आएको छैन ।
प्रदेश २ को आठ वटा जिल्लाबाट १ सय ४१ जना लकडाउन अबधिम पक्राउ परेको २ नम्बर प्रदेश प्रहरी जनकपुरका प्रबक्ता प्रहरी उपरीक्षक जयराज सापकोटाले जानकारी दिए ।
पक्राउ पर्नेमा सबै भन्दा बढी सिरहाका व्यक्ति रहेका छन् भने रौतहटमा सबै भन्दा कम ४ जना पक्राउ परेका छन् ।
यस लकडाउनको समय प्रहरीले १ सय २३ केजी ५ सय ग्राम लागुऔषद गाँजा, १ केजी ६५० ग्राम ३०० मिलिग्राम चरेस र ९ हजार ६ सय १५ पिस विभिन्न किसिमको ट्याबलेट नियन्त्रणमा लिएको प्रबक्ता सापकोटाले जानकारी दिए ।
प्रदेशभरमा चैत ११ गते देखि जेठ १६ गते सम्ममा ८८ वटा लागुऔषद सम्बन्धि मुद्दा दर्ता भएको छ । सिरहामा २५ वटा मुद्दा दर्ता भएकोमा यहाँ ३८ जना २ केजी ३५० ग्राम गाँजा र ८८४ पिस ट्याब्लेट सहित पक्राउ परेका छन् ।
त्यस्तै धनुषामा १९ वटा मुद्दा दर्ता भएकोमा यहाँ २९ जना २ केजी ५०० ग्राम लागुऔषद गाँजा र १ हजार ६७५ पिस ट्याब्लेट सहित पक्राउ परेका छन् । पर्सामा १५ वटा मुद्दा दर्ता भएकोमा २६ जना ७७ केजी ५ सय ग्राम गाँजा, १ केजी ५ सय ग्राम ३ सय मिलिग्राम चरेस र ५ हजार ४४ पिस ट्याब्लेट सहित पक्राउ परेका छन् ।
सर्लाहीमा ९ वटा मुद्दा दर्ता भएकोमा १६ जना २१ केजी २ सय ग्राम गाँजा र ५८७ पिस ट्याब्लेट सहित पक्राउ परेका छन् । महोत्तरीमा १० जना ९४७ पिस ट्याब्लेट सहित, सप्तरीमा १० जना २८३ पिस ट्याब्लेट सहित पक्राउ परेका छन् ।
त्यस्तै बरामा ८ जना १७ केजी २५० ग्राम गाँजा र १२ पिस ट्याब्लेट सहित पक्राउ परेका छन् । रौतहटमा सबै भन्दा कम ४ जना २ केजी ७ सय ग्राम गाँजा, १५० ग्राम चरेस र १८६ पिस ट्याब्लेट सहित पक्राउ परेका छन् ।
यो विषयमा टिप्पणी गर्नुहोस् !