द सौर्य मिथिला समाचारदाता
जनकपुरधाम, जेठ १६ ।
धनुषाको जटहीस्थित नेपाल-भारत सीमामा मृत्यु भएका धनुषाका ३० वर्षीय पुरुषको रिपोर्ट नेगेटिभ आएको छ ।
बुधबार जटही नाकामा मृत्यु भएका धनुषाको शहिदनगर नगरपालिका वडा नं. ९ का वीरेन्द्र यादवको कोरोना परीक्षण रिपोर्ट नेगेटिभ आएको धनुषाका प्रमुख जिल्ला अधिकारी कोशहरि निरौलाले जानकारी दिए । उनका अनुसार मृतक यादवको स्वाब परीक्षण गर्दा कोरोना नेगेटिभ आएको हो ।
कोरोना रिपोर्ट नेगेटिभ आएपनि उनको पोस्टमार्टम रिपोर्ट भने अहिले आएको छैन । गत बुधवार भारतको गुजरातस्थित सूरतबाट नेपाल आउँदा सीमानाकामा नै उनको मृत्यु भएको थियो ।भोक र ज्वरोका कारण समयमा नै अस्पताल नलग्दा उनको सीमानाका जटहीको सडकमा नै मृत्यु भएको थियो ।
यो विषयमा टिप्पणी गर्नुहोस् !