द सौर्य मिथिला समाचारदाता
जनकपुरधाम, जेठ १२ ।
धनुषामा सोमबार तीन जनामा कोरोना पुष्टी भएको छ । ३ जना कोरोना पुष्टी भएकाहरुमध्ये दुई जना प्रहरी जवान रहेको बताइएको छ । स्वास्थ्य तथा जनसंख्या मन्त्रालयले एक प्रेस विज्ञप्ति जारी गर्दै ती तीन जनामा कोरोना संक्रमण रहेको पुष्टी गरेको हो ।
धनुषास्थित नगराइन नगरपालिका वडा नम्बर ३ गंगुलीमा रहेको क्वारेण्टाइनमा रहेका ३ जना प्रहरी र एक जना स्थानीय रहेका धनुषाका प्रमुख जिल्ला अधिकारी कोषहरी निरौलाले बताए ।
संक्रमित प्रहरीहरुमध्ये एजना असई र एक जना जवान रहेका छन् । तीनै जनाको स्वाब संकलन जेठ ७ गते गरिएको गंगुलीस्थित क्वारेन्टाइनका संयोजक सन्तोष ठाकुरले जानकारी दिएका छन् ।
कोरोनाबाट संक्रमित दूई जना प्रहरी जवान सुृरक्षर्थ खटिएका थिए भने अर्का एक जना संक्रमित भारतबाट आएकोे बताइएको छ । यद्यपि भारतको कुुन ठाउँबाट आएको भन्ने विषयमा अनुसन्धान भई रहेको प्रमुख जिल्ला अधिकारी निरौलाले बताए ।
उनलाई भारतबाट फर्किए लगत्तै जेठ ६ गते क्वारेण्टाइनमा राखिएको थियो । यद्यपि क्वारेण्टाइन संयोजक ठाकुरका अनुसार उनी दिल्लीबाट फर्किएका थिए । दिल्लीबाट फर्किए लगत्तै उनी घर नगई क्वारेण्टाइनमै पुगेका थिए संयोजक ठाकुरले बताए ।
गंगुुलीस्थित क्वारेण्टाइनमा दिन दिनै कोरोना भाइरसबाट संक्रमित हुनेहरुको संख्या बढ्दै गएपछि क्वारेण्टाइन नै सील गरिएको छ ।यस अघि सोही क्वारेण्टाइनमा रहँदै आएका ५ जनामा कोरोना संक्रमण पुष्टी भई सकेको छ भने सोमबार ३ जनामा कोरोना संक्रमण पुष्टी भएसंगै कुल ८ जनामा त्यहाँ कोरोना संक्रमण पुष्टी भएको छ । सो क्वारेण्टाइनमा अहिले ४० भन्दा बढी व्यक्तिहरु रहँदै आएका छन् ।
यो विषयमा टिप्पणी गर्नुहोस् !