द सौर्य मिथिला समाचारदाता
जनकपुरधाम, जेठ ७ ।
धनुषाको नगराइन नगरपालिकास्थित गंगुुलीमा रहेको प्रादेशिक क्वारेन्टाइन स्थलमा आधा दर्जन व्यक्तिमा कोरोना संक्रमण भएको पुष्टि भएपछि अहिले सो क्वारेणटाइनलाई सील गरिएको छ ।
धनुषाको नगराईन नगरपालिका वडा नम्बर ५ गंगुलीमा प्रदेश सरकारले निर्माण गरेको प्रादेशिक क्वारेन्टाइनमा रहेको ५ जनामा संक्रमण देखिएपछि सील गरिएको हो ।
प्रादेशिक क्वारेन्टाइन स्थलमा एक साता भित्रमै ५ जनामा कोरोना पोजेटिभ रहेको पुष्टी भई सकेको छ । भारतको विहार, उत्तरप्रदेश, दिल्लीबाट प्रहरीलाई छलेर नेपाली सीमामा प्रवेश गरेका स्थानीयहरुलाई सो क्वारेण्टाइनमा राखिएको हो । जसमध्ये ५ जनामा एक साता भित्रै कोरोना पोजिटिभ पाइएको छ ।
कोरोना संक्रमितहरुको रिपोर्ट फरक फरक मिति आएकाले अहिले सो स्सथललाई सील गरिएको बताइएको छ । प्रादेशिक क्वारेण्टाइनमा रहेकाहरुमध्ये जेठ ३ गते १ जना, जेठ ४ गते २ जना र जेठ ६ गते २ जना गरी ५ जनामा कोरोना संक्रमण पुष्टी भएको थियो ।
सो क्वारेन्टाइन स्थललाई नेपाली सेनाको सहयोगमा सील गरिएको क्वारेन्टाईन स्थलका संयोजक सन्तोष ठाकुरले जानकारी दिएका छन् । धनुषाको महेन्द्रनगर स्थित श्रीनाथ गणका नेपाली सेनाका कर्नेल गजेन्द्र रावलको नेतृत्वको टोलीले क्वारेन्टाइनलाई सिल गरेको हो ।
क्वारेण्टाइनलाई सीलि गरिएपछि सो क्वारेण्टाइनमा रहेका ४८ जनामध्ये कसैलाई पनि सील रहेसम्म बाहिर जान नदिइने र नयाँ व्यक्तिलाई समेत नराखिने संयोजक ठाकुरले बताए ।
१ सय २० शैय्याको रहेको सो क्वारेण्टाइनमा अहिले सम्म २ सय २० जनालाई राखिएको छ जसमध्ये ५ जना संक्रमितलाई प्रादेशिक अस्पताल जनकपुरधाममा भर्ना गरिएको छ, १ सय ४१ जना घर फर्कि सकेका छन् भने बाँकी अहिले पनि क्वारेण्टाइनमै छन् ।
यो विषयमा टिप्पणी गर्नुहोस् !