द सौर्य मिथिला समाचारदाता
जनकपुरधाम, जेठ ५ ।
प्रदेश दुईका मुख्यमन्त्री लालबाबु राउतले कोरोना संक्रमण प्रदेशमा बढी रहेको समयमा विभिन्न अस्पतालहरुमा भेन्टिलेटर उपलब्ध गराउने प्रकृया अगगाडी बढाइएको जानकारी दिएका छन् ।
प्रदेश दुई संक्रमणको उच्च जोखिममा रहेको समयमा अस्पतालहरुमा भेन्टिलेटरको अभाव रहेकोले अस्पतालहरुमा भेन्टिलेटर उपलब्ध गराउने प्रकया शुरु गरिएको मुख्यमन्त्री राउउतले बताए ।
उनले नारायणी उपक्षेत्रीय अस्पताल विरगंज, प्रादििेशक अस्पताल जनकपुुरधाममा १०-१० वटा र जिल्ला अस्पतालहरुलाई ५-५ वटा गरी प्रदेशभरीमा कुल ५० वटा भेन्टिलेटर उपलब्ध गराइने जानकारी दिए ।
प्रदेश दुुई कोरोना महामारीको बीचमा रहेको समयमा जनता समाजवादी पार्टीको आन्तरिक कार्यमै व्यस्त रहेका मुख्यमन्त्री लालबाबु राउत काठमाडौँबाट प्रदेश झरे लगत्तै गृहनगर वीरगंजको क्वारेन्टाइन अनुमगन पश्चान आइतबार सम्बोधन गरेका हुन् ।
कोरोना सम्बन्धि मिडिया ब्रिफिंगको क्रममा मुख्यमन्त्री राउतले आईतबार प्रदेशवासीलाई सम्बोधन गर्दै संघीयता हाम्रै कारणले आएको जिकिर गरे ।
प्रदेश नम्बर दुईका मुख्यमन्त्री लालबाबु राउतले कोरोना भाईरस रोकथाम तथा नियन्त्रणको क्रममा त्यसमा संलग्न चिकित्सक, सुरक्षाकर्मी, सञ्चारकर्मी तथा अन्य कर्मचारीको निधन भएमा प्रदेश सरकारले मृतकको परिवारलाई राहत स्वरुप ५० लाख रकम उपलब्ध गराईने बताए ।
मुख्यमन्त्री राउतले माहामारी नियन्त्रणका लागि अर्गमोर्चामा रही काम गर्ने क्रममा उनीहरुको मृत्यु भएमा मृतकको परिवारलाई राहत स्वरुप उक्त रकम प्रदान गरिने बताए ।
मुख्यमन्त्री राउतले प्रदेश नम्बर दुई भारतसँगको खुला सीमानाका कारण संक्रमणको उच्च जोखिममा रहेको समेत बताए । उनले भने ‘ जसरी प्रदेश नम्बर दुईमा कोरोना संक्रमितहरुको संख्या दिनप्रतिदिन बढ्दै गईरहेको छ।,
यसको प्रमुख कारण प्रदेश नम्बर दुईका अधिकाशं जिल्लाहरु भारतसँगको खुल्ला सीमानाका कारण हो, सीमानाकामा कडाई गरिएपनि लुकीछिपी आउने क्रम जारी नै रहेकोले संक्रमितको संख्या प्रत्येक दिन बढ्दै गईरहेको छ । ’
कोरोना माहामारी रोकथाम तथा नियन्त्रणका लागि प्रदेश सरकारले हरसम्भव प्रयास गरिरहेको मुख्यमन्त्री राउतको दाबी रहेको छ ।प्रदेशवासीको नाममा मुख्यमन्त्री राउतले गरेको सम्बोधनमा कुनै नयाँ प्याकेजको घोषणा भने गरेनन् ।
यो विषयलाई लिएर उनको सम्बोधन सकिए लगत्तै कतिपयले सामाजिक सञ्जालमा आलोचना समेत शुरु गरि सकेका छन् ।मुख्यमन्त्री राउतले कोरोना संक्रमणको बिचमा गरेको सम्बोधनमा समेत कोरोना संक्रमण रोक्नका लागि प्रदेश सरकारले कुनै नयाँ योजना प्रस्तुत गर्न नसक्नु दुःखद रहेको कतिपयले टिप्पणी गरेका छन् ।
यो विषयमा टिप्पणी गर्नुहोस् !