द सौर्य मिथिला समाचारदाता
जनकपुरधाम, वैशाख २९ ।
सप्तरीमा कोरोना संक्रमित युवा नेपालकै चितवनबाट आएको खुलेको हो । सप्तरी जिल्लाको डाक्नेश्वरी नगरपालिका वडा नं. ३ का १८ वर्षीय युवा कोरोना संक्रमित रहेको स्वास्थ्य तथा जनसंख्या मन्त्रालयले पुष्टि गरेको हो । संक्रमित युवा वैशाख ९ गते नेपालकै चितवनबाट आएको खुलेको छ ।
चितवनबाट अन्य १२ जना सहित संक्रमित युवा ट्रकबाट सप्तरी आएको सामाजिक विकास मन्त्रालय प्रदेश २ का सचिव डा. रामप्रसाद घिमिरेले जानकारी दिएका छन् ।ट्रकबाट आएका १३ जनालाई सप्तरीको क्वारेन्टाईनमा राखिएको थियो ।
चितवनबाट आएका १८ वर्षीय युवामा कोरोना संक्रमण पुष्टि भएपछि युवासँग आएका अन्य व्यक्तिहरु सहित उनका परिवारजनको स्वाब संकलन गर्ने काम सुरु भएको सचिव डा। घिमिरेले जानकारी दिए ।
जिल्ला प्रशासन कार्यालय सप्तरीका सुचना अधिकारी आनन्द ठाकुरका अनुसार ट्रकबाट आएका १३ जना मध्ये ७ जनाको स्वाब परिक्षण हुँदा एक जनाको पोजेटिभ र ६ जनाको रिपोर्ट नेगेटिभ आएको हो । त्यस्तै ६ जनाको परिक्षण हुन बाँकी रहेको छ । संक्रमित युवा चितवनको सौराहाको गबइ भन्ने ठाउँमा लेबरको रुपमा काम गर्दै थिए ।
संक्रमण पुष्टि भएका युवालाई उपचारको लागि सप्तरीको गजेन्द्रनारायण सिंह सगरमाथा अस्पतालमा लगिएको सचिव डा. मिघिरेले बताए । संक्रमित युवाको सम्पर्कमा आएकाहरुको कोनट्राक्ट ट्रेसिंगको काम भईरहेको छ ।
यो विषयमा टिप्पणी गर्नुहोस् !