द सौर्य मिथिला समाचारदाता
जनकपुरधाम, वैशाख २५ ।
विश्व नै कोरोना भाइरस (कोभिड–१९) को महामारीको अवस्थामा रहेको समय अग्रपंक्तिमा रहेर काम गर्ने धनुषाका पत्रकारहरुको गरिएको कोरोना परिक्षणको रिपोर्ट नेगेटिभ आएको छ ।
बुधबार विभिन्न संचारमाध्यममा कार्यरत २३ जना पत्रकारका स्वाब संकलन गरिएको थियो । संकलन गरिएको सबैको रिपोर्ट नेगेटिभ आएको पत्रकार महासंघ प्रदेश २ का महासचिव किरण कर्णले जानकारी दिएका छन ।
कोरोनाको प्रभाव नेपालमा समेत रहेको अवस्थामा त्यस्तो अवस्थामा समेत सामाचार संकलनको लागि बाहिर निस्कने पत्रकारहरुको कोरोनाको संक्रमण हुन सकेको आशंकामा पिसिआर बाट स्वास्थ्य परिक्षण गरिएको हो ।
नेपाल पत्रकार महासंघ धनुषा शाखाको आयोजना तथा श्रीनाथ गण धनुषा महेन्द्रनगरको नेपाली सेनाको सहयोग र प्रादेशिक अस्पताल जनकपुरधामको प्राविधिक प्रयोगशालाको टोलीले बुधबार पत्रकारको स्वाव संकलन गरेको थियो ।
अग्रपंक्तिमा रहेर समाचार संकलनको क्रममा घरबाट बाहिर निस्केर स्थलगत रिर्पोटिंग गर्ने पत्रकारहरु थ्रोट र नोजल स्वाव संकलन गरेर पिसिआर बाट कोरोना परिक्षण गरिएको हो ।
जनकपुरधामका दुई दर्जन पत्रकारहरुको पिसिआर परीक्षण निगेटिभ आएको भएतापनि दीर्घकालीनरुपमा सामाजिक सुदृढीकरण र न्यायमा सबै समुदाय वर्गको पहुचका लागि आफुहरुको भुमिका पोजिटिभ रहने महासचिव कर्णले भने ।
यो विषयमा टिप्पणी गर्नुहोस् !