एजेन्सी , वैशाख २५ ।
कोरोना लकडाउनका कारण प्रभावित हुने अर्थतन्त्रको राहतका लागि कोलम्बिया सरकारले नयाँ आपतकालको घोषणा गरेको छ।राष्ट्रपति इभान ड्युकले बुधबार उक्त आपतकालको घोषणा गरेका हुन्।
आपतकालको घोषणाले राष्ट्रपतिलाई संकटको समय पूर्व सहमतिबिना नै कोलम्बियाको सुरक्षालाई खतरामा नपारी आफ्नो योजना लागु गर्ने सुविधा दिनेछ।
’हामी देशलाई यस अवस्थाबाट फर्कनका लागि उपायहरु निकाल्दै छौं। यसैका लागि आज यो आपतकालीन घोषणामा हस्ताक्षर गर्दैछौं,“ ड्यूकले कोलम्बियाको एक टेलिभिजन प्रसारणमा भने।
आपतकालको घोषणाले सरकारलाई कोरोनाका कारण प्रभावित कम्पनीहरूलाई विभिन्न सहुलियत र सुविधा प्रदान गर्न पाउनेछ।
यस अन्तरगत अब कोरोना लकडाउनका अवधिमा कम्तीमा २० प्रतिशत कारोबार घटेका कम्पनीका मजदुरलाई न्यूनतम पारिश्रमिकको ४० प्रतिशतसम्म अनुदान दिने बाटो सरकारका लागि खुला हुनेछ।
कोलम्बियामा न्यूनतम ज्याला प्रतिमहिना २ सय ५० डलर तोकिएको छ।कोलम्बियाले जारी गरेको पहिलो आपतकालीन समय अप्रिलमा सकिएको थियो।
वृद्धहरूलाई अनिवार्य आइसोलेशनमा राख्ने आदेश दिइएको स्वास्थ्य आपतकालीन घोषणा भने मेको अन्त्यसम्म जारी रहनेछ।पहिलो आपतकालमा ड्युकले ४ बिलियन अमेरिकी डलरको आर्थिक राहतको घोषणा गरेका थिए।
सो राहतले परिवारको सामाजिक कल्याण कार्यक्रमहरू, जेष्ठ नागरिकहरुको सुविधा र केही व्यवसायका लागि क्रेडिट ग्यारेन्टी लगायतका सहुलियत दिएको थियो।
कोलम्बियामा जारी देशव्यापी लकडाउन मे २५ मा सकिनेछ। राष्ट्रपति ड्युकले मगंलबार कार बिक्री र केही औद्योगिक क्षेत्रहरू मे ११ बाट सम्भवत पुनः संचालन गर्न सकिने समेत बताएका छन्।तर उनले केही क्षेत्रमा अवस्था सामान्य हुन विलम्ब हुने बताए।
यो विषयमा टिप्पणी गर्नुहोस् !