द सौर्य मिथिला समाचारदाता
जनकपुरधाम, वैशाख २४ ।
नेपालमा थप १७ जनामा कोरोना संक्रमण रहेको पुष्टि भएको हो । आज पुष्टि भएका १७ जना प्रदेश २ को पर्सा जिल्ला रहेका छन् ।
यो सँगै नेपालमा संक्रमित हुनेको संख्या ९९ पुगेको हो । स्वास्थ्य मन्त्रालयले नियमित ब्रिफिङका क्रममा १७ जना नयाँ संक्रमित बढेको बुधबार जानकारी दिएको हो।
संक्रमित हुनेमा २ महिनादेखि ६६ वर्षसम्म उमेर समूहका रहेका छन् । बुधबार संक्रमितमध्ये ७ जना महिला र १० जना पुरुष छन् ।
योसँगै नेपालमा संक्रमितहरुको कुल संख्या ९९ पुगेको छ । यीमध्ये २२ जना निको भएर घर फर्किसकेका छन् ।
आज पुष्टि भएका संक्रमितहरु विरगंज महानगरपालिका वडा नं. ३ छपकैयामा फेला परेका संक्रमितकै परिवारका रहेको नारायणी अस्पताल स्रोतले जनाएको छ ।
यो विषयमा टिप्पणी गर्नुहोस् !