द सौर्य मिथिला समाचारदाता
जनकपुरधाम, वैशाख २४ ।
कोरोना संक्रमण फैलिरहेका बेला जनकपुरका पत्रकारहरुले स्वाब परीक्षण गरएका छन् । कोरोना महामारीसम्बन्धी समाचार संकलनका लागि फिल्डमा खटिने पत्रकारहरुले स्वस्फूर्त रुपमा स्वाब परीक्षण गराएका हुन् ।
जनकपुरधाममा रहेर कोरोना महामारीको स्थलगत समाचार संकलनमा खटिएका २३ जना पत्रकारहरुको स्वाब परिक्षण गराएका हुन् ।
नेपाल पत्रकार महासंघ धनुषा शाखाको आयोजना तथा श्री श्रीनाथ गण धनुषा महेन्द्रनगरको नेपाली सेनाको सहयोग र प्रादेशिक अस्पताल जनकपुरधामको प्राविधिक प्रयोगशालाको टोलीले पत्रकारको स्वाव संकलन गरेको हो ।
लकडाउनको अवधिमा समेत जनतालाई सुसूचित गराउने दायित्व निर्वाह गर्दै निरन्तर फिल्डमा खटिइनुपर्ने भएकोले सम्भावित जोखिमलाई दृष्टिगत कोरोना परीक्षण गराएको पत्रकारहरुले बताएका छन् ।
संकलन गरिएको स्वाबको पिसिआरबाट परिक्षण गरेर दुई तीन दिनमा रिपोर्ट आउने प्रादेशिक जनस्वास्थ्य प्रयोगशाला जनकपुरका निमित्त प्रमुख रामविनय साहले जानकारी दिए ।
यो विषयमा टिप्पणी गर्नुहोस् !