द सौर्य मिथिला समाचारदाता
सिरहा, वैशाख २२ ।
सिरहामा राहत वितरणको विषयमा झडप हुँदा स्थिती नियन्त्रणमा लिनका लागि प्रहरीले १३ राउण्ड आँशु ग्यास प्रहार गरेको छ । सिरहाको मिर्चैया नगरपालिका वडा नम्बर ७ फूलबरियामा राहतको विषयमा झडप हुँदा अवस्था नियन्त्रणमा लिन प्रहरीले १३ राउण्ड अश्रु ग्यास फायर गर्नुपरेको सिरहाका प्रहरी उपरीक्षक उमाप्रसाद चतुर्वेर्दीले जानकारी दिएका छन् ।
लकडाउनका कारण समस्यामा परेका गरिब विपन्नहरुलाई राहत नदिई हुनेखानेलाई राहत उपलब्ध गराइएको भन्दै विवाद भएको जनाइएको छ । झडप हुँदा तीनजना घाइते समेत भएको जिल्ला प्रहरी कार्यालय सिरहाले जनाएको छ् ।
झडपमा परि घाइते भएकाहरुको मिर्चैयास्थित एक अस्पतालमा उपचार भइरहेको छ भने झडप नियन्त्रण गर्न पुगेका इलाका प्रहरी कार्यालय मिर्चैयाका डिएसपी सन्तुप्रसाद जैसवालको पनि हातमा सामान्य समेत चोट लागेको छ ।
यो विषयमा टिप्पणी गर्नुहोस् !