एजेन्सी बोस्निया, वैशाख १८ ।
बोस्नियाको दुई क्षेत्रमा लकडाउन सहज पारेसँगै बुधबार कोरोना भाइरसका नयाँ संक्रमित संख्यामा महिनाकै उच्च दैनिकी वृद्धि देखिएको छ।
यहाँ पछिल्लो २४ घण्टामा ९३ नयाँ संक्रमित फेला परेका छन् भने दुई जनाले ज्यान गुमाएका छन्।यो संख्या अघिल्ला दिन फेला परेका संक्रमित भन्दा बढी हो।
मगंलबार त्यहाँ २० नयाँ संक्रमित फेला परेका थिए भने सोमबार ४९ नयाँ संक्रमण फेला परेको बोस्नियन अधिकारीहरूले रोयटर्सलाई जनाएका छन्।
बोस्नियामा हालसम्म २९ हजार १३० जनको कोरोना परीक्षण भएको छ, जसमा संख्या १ हजार ६ सय ७७ जनालाई संक्रमण भएको पुष्टि भएको छ भने ६५ जनाको मृत्यु भएको छ।
बोस्नियाक(क्रोट फेडरेशन र सर्ब रिपब्लिक दुबैले गत महिना कोरोना भाइरसको प्रकोपपछि लकडाउन गरेका थिए। उनीहरूले ६५ वर्ष माथिका जेष्ठ नागरिक र १८ वर्ष मुनिका बालबालिकालाई घर बाहिर जान प्रतिबन्ध लगाएको थियो।
तर सोमबारदेखि सर्ब रिपब्लिकले जेष्ठ नागरिकहरूलाई प्रत्येक दिनमा तीन घण्टा घर बाहिर निस्कन मिल्ने व्यवस्था मिलाएको थियो। त्यस्तै केही व्यवसायहरू पुनः खोल्ने अनुमति दिइएको थियो।
यसपछि नै ५९ नयाँ संक्रमति केस पुष्टि भएको रोयटर्सको समाचारमा उल्लेख छ।अधिकारीहरूले संक्रमणमा वृद्धि देखिएसँगै नागरिकहरूलाई पुनः भेला नगर्न र सधै मास्कको प्रयोग गर्न आग्रह गर्दै आएको छ।
सर्ब रिपब्लिकका स्वास्थ मन्त्री एलेन सेरेनिकले भने, ’परीक्षण गरिएका मध्य प्रतिबन्ध र तोकिएका उपायहरु पालना गर्ने व्यक्तिमा संक्रमणको सकारात्मक केस कम हुने गरेको छ,’ सेरेनिकले भनेका छन् कि पछिल्लो २५ घण्टामा परीक्षण गरिएका मध्य ८ प्रतिशतमा संक्रमण सकारात्मक आएको छ। यस अघि परिक्षण गरिएका मध्य जम्मा ५ प्रतिशतमा संक्रमण पुष्टि गरिएको थियो।
बोस्नियाक(क्रोट फेडरेशनले समेत गत शुक्रबारबाट रात्रिकालिन कर्फ्यू हटाएको छ र अनिवार्य क्वारेन्टाइनको प्रबन्ध हटाएको छ।दिन विराएर यहाँका जेष्ठ नागरिक र केटाकेटीहरूले बाहिरी वातावरणमा हिडँडुल गर्ने अनुमति दिइएको छ।
बोस्नियाक-रोट फेडरेशनका सहायक स्वास्थमन्त्री गोरन सर्केजले भनेका छन्, ’हामी यसलाई कसरी लिन सकिन्छ हेर्नेछौं र प्रतिबन्धहरु थप लगाउनु पर्छ कि पर्दैन भन्ने कुरा नागरिकमा निर्भर भइ विचार गर्नेछौं।’
यो विषयमा टिप्पणी गर्नुहोस् !