एजेन्सी सिरिया, अफ्रिन, वैशाख १७ ।
टर्कीको रक्षा मन्त्रालयले मंगलबार उत्तर सिरियाको अफ्रिन शहरमा भएको बम विष्फोटमा ११ बालबालिका सहित ४० जना मारिएको जनाएको छ ।
यो घटना सिरियन कुर्दिस वाईपीजी सेनाले गराएको उनीहरूको आरोप छ ।
मन्त्रालयले ट्विटरमा जनाए अनुसार यो विस्फोट भीडभाड हुने अफ्रिनको मध्य बजार क्षेत्रमा भएको थियो।
अमेरिकाको स्टेट डिपार्टमेन्टले मंगलबार साँझ आक्रमणको निन्दा गरेको छ ।
’रमजानको उपवास तोड्न मध्य बजारमा किनमेल गरिरहेका दर्जनौं व्यक्तिको विस्फोटका कारण ज्यान गएको छ’, विभागकी प्रवक्ता मोर्गन ओर्टागसले भनिन ्।
’प्रारम्भिक रिपोर्टले मारिनेमा धेरैजसो नागरिक र बालबालिकाहरू रहेको देखाएको छ,’ सिरियामा राष्ट्रव्यापी युद्धविरामको लागि अमेरिकाको आह्वानलाई दोहोर्याउँदै जारी विज्ञप्ति उनले भनिन्,
’यस प्रकारको कार्य दुवै पक्षबाट अस्वीकार्य छ ।’मंगलबारको विस्फोट टर्की सेनाको नियन्त्रण रहेको क्षेत्रमा भएको सबैभन्दा घातक आक्रमण हो ।
अन्काराले आक्रमणको लागि वाईपीजीलाई बारम्बार दोषी ठहराउँदै आइरहेको छ। तर इस्लामिक मिलिसियाले आफ्नो आक्रमण आमनागरिकप्रति लक्षित नबऐको बताउँदै आएको छ ।
यो विषयमा टिप्पणी गर्नुहोस् !