द सौर्य मिथिला समाचारदाता
जनकपुरधाम, वैशाख १३ ।
नगराईन नगरपालिका वडा नम्बर दुई की घुरनीसदाकी श्रीमान् काम विहिनभएको लगभग एक महिनाभईसक्यो कमाउने श्रीमान् नै लकडाउनका कारण घर बसेपछि अहिले उनको ७ जनाको परिवारमा बिहान बेलुकाचुल्हो बाल्न कठिन भएको छ । कोरोना भाईरसको संक्रमण फैलिननदिन सरकार गत चैत २३ गतेदेखि निरन्तर लगाएको लकडाउनको कारण घुरनीको घरमा बिहान र बेलुका छाक टार्न समस्याभएको हो ।
गोटए दिनखाई छीयै, गोटाए दिनभुखले रहै छीयै राहतके नामपर एगो साबुनएगो जाभी पैलीआउर कुछो नहि ( कुनै दिनखान खान्छौँ कुनै दिनभोकै सुत्छौ, राहतको नाममा एउटा साबुन र एउटा मास्क बाहेक केहीपाईनँ) घुरनीले भनिन् ।
उनले अगाडी भनिन् ‘ न त घरबाट बाहिर निस्किनदिईरहेको न त घरमा केही खानका लागि नै रहेको ७ जनाको परिवार जसो तसो टारिरहेको छु, कुनै कुनै दिन त घरका सबै जनाभोकै सुत्नुपर्ने अवस्था आउँछ के गरौँ हामी सँग अरु कुनै विकल्पपनि छैन् ।’घुरनी जस्तै वडा नम्बर दुईकै पुनिता देवीको घरको अवस्था समेत लगभग उस्तै रहेको छ ।
पुनिता भन्छिन् ‘ नुन रोटी खाएर भएपनि घरमै बस्न भन्छन्, तर त्यहीनुन रोटी ल्याउनकै लागि भएपनि कमाउनै पर्ने हो जुनकी १ महिनादेखि बन्दकामै गरिरहेका छैनौँ भने घर कसरी चल्छ होला भन्ने सोच्न सक्नुहुन्छ ।’
काम गर्नुहुन्न भन्नुहुन्छ त्यसो भए घर कसरी चलिरहेको छ त भन्ने प्रश्नमापुनिताले भनिन् ‘ लगभग एक महिनादेखि एक छाक खाने एक छाकका लागि सोच्नुपर्ने अवस्था छ, यसरी नै ३ जना सन्तानसहित ५ जनाको परिवार चलाई रहेका छौँ ।’अहिले गहुँ काट्ने समय रहेको हुँदा अन्य वर्षहरुमा खान लाउन कुनै प्रकारको समस्या नभएपनि यसपालीभने परिवार चलाउनै गाह्रो भएको पुनिताको भनाई रहेको छ ।
उनले अगाडी भनिन् ‘अरु ठाउँहरुमा नगरपालिकाहरुले खाना पकाएरै खुवाएको सुनिन्छ तर हाम्रो नगरपालिकाले त अहिलेसम्म अवस्था समेत बुझ्न आएको छैन् ।’
सरकारले दैनिकज्याला मजदुरी गर्ने विपन्न तथा दलित परिवारहरुका लागि राहतउपलब्ध गराउन भने पनि हुने खानेहरुले समेत राहत लिनका लागि विवाद गर्न खोजेपछि अहिलेसम्म पिडित वर्गहरुले राहत पाउन नसकेको नगराईन नगरपालिकाका प्रमुख परमेश्वर यादवले बताए ।उनले भने ‘यहाँ त ९० प्रतिशत जनतालाई राहत चाहियो चाहे त्यो गरिब होस् वाधनी होस् सरकारले राहत पठाएको छ भने हामीलाई जसरी भएपनि चाहिन्छ नै भनिरहेका छन् यस्तोमा विवाद गरेर कसले राहत बाड्छ त ?
उनका अनुसार राहतका लागि अहिलेसम्म लगभग ५ हजारभन्दा बढी घरपरिवार नाम लेखाएका छन् त्यसमा दैनिकज्याला मजदुरी गर्ने देखि लिएर हुने खाने वर्ग समेत रहेका छन् ।
उनले अगाडी भने ‘ हामी चाहन्छौ जो असहाय छन् जो सँग अहिलेको समयमा रोजी रोटी छैन् उसले राहतपाओस् त्यसका लागि हामीले विभिन्न राजनीतिक दलका प्रतिनिधिहरुसँग समेत छलफल गर्दै आएका छौँ तर अहिलेसम्म कुरा मिल्न सकिरहेको छैन्, सबै राजनीतिदलहरुले आ–आफ्नो नजिकका व्यक्तिहरुले राहत पाउनुपर्ने भन्दै आएका छन् जसकारण वास्तविक पिडित झन् पिरोलिएका छन् ।
यता धनुषाका प्रमुख जिल्ला अधिकारी कोषहरि निरौलाले धनुषाकालगभग ९ वटा पालिकाहरुले पहिलो चरणको राहत वितरण गरेपनि केही पालिकाहरुले अहिलेसम्म पनि बाड्न नसकेको स्वीकार गरे ।
जस्तो कि जनकपुरधाम उपमहानगरपालिका, नगराईन नगरपालिका सहितका पालिकाहरुले अहिलेसम्म पहिलो चरणको राहत समेत वितरण गर्न सकेको छैन् प्रजिअ निरौलाले भने ।
‘राहत बाड्ने काम स्थानीयतहहरुको भएपनि वास्तविक पिडितसम्म राहत पुर्याउनका लागि आफुहरुले समेत समन्वयगर्दै आएका हामीलाई यदीकुनै पिडित परिवारले राहतकालागि भन्नुहुन्छ भने हामी स्थानीयतहहरुसँग पहल गरेर वास्तविक पिडितहरुसम्म पुगेर राहतवितरण गर्न सहयोग गर्दै आएका छौ प्रजिअ निरौलाले भने ।
संघय र प्रदेश सरकारले लकडाउनको अवधिमा दैनिकमजदुरी गर्ने विपन्न तथा दलितहरु नबसुन् भनेर बजेट छुट्याएपनि राजनीतिक भागभण्डा नमिलेपछि स्थानीय तहहरुले अहिलेसम्म राहतवितरण गर्न नसकेपछि दैनिक मजदुरी गर्ने गरिब तथा विपन्न वर्गहरु यसको प्रत्यक्ष मारमा परेका छन् ।
यसअघि जनकपुरधाम उपमहानगरपालिकाले अहिलेसम्म राहत नबाडेको भन्दै उक्त उपमहानगरपालिकाका विभिन्न १७जना वडाध्यक्षहरु प्रमुखलालकिशोर साहविरुद्ध गोलबद्ध भई तत्काल पिडित परिवारहरुलाई राहत बाड्नुपर्ने भन्दै दबाबदिएका थिए ।
यो विषयमा टिप्पणी गर्नुहोस् !