एजेन्सी सिगांपुर, वैशाख १३ ।
तोकिएको समयभन्दा ३० मिनेट अगावै क्वारेन्टाइन छाडेको आरोपमा सिगांपुरमा एक युवकलाई कारवाही हुने भएको छ ।मार्च २२ तारिखको १२ बजेसम्म आफ्नो फ्ल्याटमा आइसोलेशनमा बसेको हुनुपर्नेमा ११:३० बजे छड्के जाँच गर्दा उनी त्यहाँ नभेटिएपछि उनलाई कानुनी दायरामा ल्याइएको हो ।
उनलाई आइसोलेनमा राख्नुको कारण भने स्पष्ट हुन सकेको छैन ।उनीमाथि सिंगापुरको संक्रामक रोग ऐन अनुसार कारवाही गरिनेछ ।आरोप प्रमाणित भए उनलाई ६ महिना जेलसँगै अधिक्तम १० हजार सिंगापुर डलर जरिमानाको सजाय हुनेछ ।
सिंगापुरले प्रमाणित संक्रमितको सम्पर्कमा आएका सबैलाई घरै बस्ने आदेश दिएको छ ।सरकारले यसक्रममा आदेश दिइएका व्यक्तिहरू घर बसे(नबसेको जाँच गर्न आकस्मिक भिडिओ कल गर्ने गरेको छ ।
यो विषयमा टिप्पणी गर्नुहोस् !