प्रियंका झा
नेपाल सरकारले कोरोना भाइरसको संक्रमण फैलिन नदिने उद्देश्यले लकडाउन लगाएको एक महिना भई सक्यो । कतिलाई यो लकडाउनले एकदमै पिरोलि रहेको छ । हुनत यो संक्रमण फैलिन नदिनका लागि यो लकडाउन तथा सामाजिक दुरी पालन गर्नु अपरिहार्य थियो । यद्यपि कति यस्ता व्यक्तिहरु पनि छन् जो लकडाउन तोड्न पछाडी हटि रहेका छैनन ।
यो लकडाउनले धेरैको दिनचर्या नै परिवर्तन गरि दिएको छ । तर मेरो दिनचर्यामा भने् कुनै प्रकारको भिन्नता आएको छैन । मात्र कहिलेकाही बाहिर घुम्न जाने बन्द गरेकी छु । म सधैँ आफ्नो घरमै बसेर अफिसको काम गर्छु । आमालाई सहयोगीको रुपमा जतिबेला पनि सक्रिय रहन्छु । बिहान ७ बजे सुतेर उठेपछि हाथमुख धोएर घरको कामकाज सकाएर आफ्नो अफिसको काम गर्न लागि पर्छु ।
लकडाउनकै कारण शिक्षण संस्थाहरु बन्द छन् । साथीहरु संगको भेटघाट बन्द भएको छ । कलेज बन्द भएका कारण किताब कापी यो लकडाउनको अवधिमा छोएको पनि छैन । किताब पल्टायो कि मलाई निद्रा लाग्ने बानी भई सकेको छ । यस्तो किन भएको होला कुनै ? यद्यपि यस अवधिमा म अहिले बिहान नुहाइधुवाइ गरेर आफ्नो काम सकाउछु । बिहान ९ बजेदेखि ६/७ बजेसम्म काममै व्यस्त हुन्छु । आजभोलि मलाई किताबी ज्ञान भन्दा फरक किसिमको ज्ञान लिनमा उत्सुकता जागेको छ ।
राति पढ्न बस्दा ठुलो भतिजो पनि संगै बस्छ । ऊ मलाई सोध्ने गर्छ दिदी जतिबेला म पढ्न बस्छु तपाई मोबाइल लिएर नै बस्नु हुन्छ किन ? हजुरलाई पढ्न रुचि लाग्दैन र ? उसको यो प्रश्नले मलाई अनुत्तरित बनाई दियो ? उसको यो प्रश्नले नजवाफ बनाए पनि उल्टै उसलाई नै आफ्नो गृहकार्य सका भने र हप्कार्छु ।
ऊ सुत्न गएपछि म डायरी पल्टाएर कविता लेख्न बसि हाल्छु । हो, मलाई अब कविता, रचना पढ्न लेख्न दुवै मन पर्छ । रुचि भन्ने कुरै त्यही हो कि कसैलाई केहीमा रुचि लागि हाल्छ । मलाई पहिलापहिला सानोसानो नानिहरुलाई मात्र पढाउन मन परथ्यो । तर अब मलाई हरेक क्षेत्रमा काम गर्न मनपर्छ । मलाई लाग्थ्यो एजुकेशन पढेर शिक्षक मात्र बन्न सकिन्छ । तर बल्ल थाहा पाएँ कि शिक्षा पढेर राजनीति , पत्रकारिता , समाजिक व्यवहारको कुरा पनि सिक्न सकिन्छ ।
मलाई राजनीतिक र पत्रकारितामा बुझ्नमा धेरै अप्ठ्यारो लाग्थ्यो । बा आमा समझाउनु हुन्थ्यो कि एउटा किताब पढेर मात्र सफल व्यक्ति हुदैन सफल व्यक्ति हुनका लागि किताबी ज्ञानभन्दा राजनीतिक, सामाजिक, भौगोलिक, साँस्कृति, राष्टृ र अन्तर्राष्टिृय आदि सबै क्षेत्रमा जानकारी राख्नु आवश्यक हुन्छ । यो कुरा म बुझन सकिरहेको थिइन ।
यो लकडाउनले नै जुराएको जस्तो मलाई लागिरहेको छ । यि सबका बिच म मोबाइलकै किरा भएको जस्तो लागि रहेको छ । मोबाइलमा साथीहरु संग कहिलेकाहीँ गफिन्छु भने कहिले काहि मोबाइलबाटै देश विदेशका समाचारहरु हेर्ने गर्छु ।
मोबाइलकै कारण अहिले समय व्यतित गर्न मलाई सहज भएको छ । हुनत लकडाउनका कारण कतिको आर्थिक अवस्था नै कमजोर बनाएको यथार्थलाई बिर्सिन सक्दैन । तर यस संगै हामीले यो कुरो पनि बिर्सिनु हुँदैन लकडाउन तपाई हामीको सुरक्षाकै लागि हो । फेरी यो सधैँका लागि पनि होइन । यसको पालना गर्नु नै अहिलेलाई बुद्धिमानी होला ।
यो विषयमा टिप्पणी गर्नुहोस् !