द सौर्य मिथिला समाचारदाता
जनकपुरधाम, वैशाख १० ।कोरोना महामारीको संक्रमण फैलिन नदिनका लागि सरकारले लकडाउन लगाएको एक महिना बितिसक्दा समेत राहतको व्यवस्था नगरिएको भन्दै जनकपुरधामका प्रमुख बिरु वडाध्यक्षहरु गोलबन्द भएका छन् । जनकपुरधाम उपमहानगरले नगरवासीका राहतसम्मको व्यवस्था गर्न नसक्नु लज्जास्पद विषय रहेको ठहर गर्दै दर्जनौँ वडाध्यक्षहरु नगर प्रमुख बिरुद्ध गोलबन्द भएका हुन् ।
बुधबार जनकपुरधाममा असन्तुष्ट वडाध्यक्षहरुको भेलाबाट नगर प्रमुख लालकिशोर साहको स्वार्थपूर्ण नियत र भ्रष्टाचारयुक्त क्रियाकलापबाट नगरवासी पीडित रहेको आरोप लगाउदैँ तत्काल पारदर्शी रुपमा संघीय सरकारले राहत वितरणका लागि अपनाएको मापदण्ड अनुसार वितरण गर्न माग गरिएको हो ।
जनकपुरधाम उपमहानगरपालिका वडा नम्बर ७ का वडाध्यक्ष जानकीराम साहले नगर प्रमुख लालकिशोर साहले खाद्यान्न सामाग्री खरिदमा कमिशनको कुरो नमिलेकै कारण अहिलेसम्म राहत वितरण गर्न नसकेको आरोप लगाए । उनले प्रमुख साहकै रबैयाका कारण नगरवासी झन पीडित बन्न पुगेको लगाए ।
जनकपुरधाम उपमहानगरका प्रमुख लालकिशोर साहको विरुद्धमा १७ जना वडाध्यक्षहरुले एक महिना वित्दा पनि स्थानीय सरकारले अहिलेसम्म कुनै किसिमको राहत सामग्री उपलब्ध गराउन नसक्नु लज्जास्पद रहेको बताएका छन् ।
यो विषयमा टिप्पणी गर्नुहोस् !