द सौर्यमिथिला समाचारदाता
जनकपुरधाम, वैशाख ७ । सप्तरीको एक जनामा ¥यापिड टेस्ट गर्दा कोरोना भाईरस पोजेटिभ देखिएको छ । सप्तरीको सप्तकोशी नगरपालिका वडा नम्बर १ फत्तेपुरका ७१ वर्षिय वृद्धको आरडीटी टेस्ट गर्दा उनको रिपोर्ट पोजेटिभ आएको गजेन्द्र नारायण सिंह सगरमाथा अस्पताल राजविराजका मेडिकल सुपरिटेन्डेन्ट डा.चुमन लाल दासले जानकारी दिएका छन् । वृद्धको आरडीटी रिपोर्ट कोरोना पोजेटिभ देखिएकोले उनलाई गजेन्द्र नारायण सिंह सगरमाथा अस्पतालको आइसोलेसन वार्डमा राखिएको छ ।
¥यापीड टेस्ट पोजेटिभ आएकोले उनको थ्रोट स्वाबको नमुना संकलन गरी थप परीक्षणका लागि धरानस्थित विपी कोइराला स्वास्थ्यविज्ञान प्रतिष्ठानमा पठाईने तयारी गरिएको छ । त्यस्तै वृद्ध सँगै जाँचको लागि ल्याइएका छोरा (मौलबी) र उनको पत्नीलाई समेत अस्पतालको छुट्टै कोठामा राखिएको र उनीहरुको पनि परिक्षण गरिने मेसु दासले बताए । शुक्रबार उदयपुरमा भेटिएका १२ जना कोरोना संक्रमितहरु आरडीटी रिपोर्ट पोजेटिभ देखिएका वृद्धको नातेदार भएकोले उनीहरुसँग वृद्धको भेट भएकाले उनी हाई रिस्क जोनमा रहेको उनले बताए । मस्जिदमा लुकेर बसेका १६ जनाको समूह सप्तरीको सप्तकोशी नगरपालिका १ फत्तेपुरमा विवाह समारोहमा पनि सहभागी भएका थिए । तर त्यहाँ लकडाउनले गर्दा भारतबाट जन्ती आउन सकेको थिएन् ।
यो विषयमा टिप्पणी गर्नुहोस् !