द सौर्य मिथिला समाचारदाता
जनकपुरधाम, वैशाख ६ । विश्वमै महामारीको रुपमा फैलिएको कोरोना भाईरसको त्रासका बिच विश्वका अनेकौ मुलुक लकडाउउनमा छ । नेपालमा समेत गत चैत ११ गतेदेखि नै देशभर लकडाउन छ । लकडाउनको प्रत्यक्ष असर दैनिक मजदूरी गरि जिविकोपार्जन गर्दै आईरहेका कामदारहरु माथि परेको छ । लकडाउनका कारण उनीहरुको दैनिकीमा सबैभन्दा बढि प्रभाव पारेको छ । लकडाउनको समयमा दैनिक उपभोग्य सामानहरुको अभाव समेत देखिएको छ । यी समस्याहरुलाई ध्यानमा राख्दै धनुषाको कमला नगरपालिकाका एक स्थानीयले सुपथ मूल्यको पसल सञ्चालनमा ल्याएका छन् । स्थानीय तहको निर्वाचनमा मेयर पदको उम्मेदवार रहेका स्थानीय मनिक लाल मण्डलले आफ्नो नगरका जनताहरुको समस्यालाई ध्यानमा राख्दै १५ दिनदेखि सुपथ मूल्यमा दैनिक उपभोग्य सामग्रीको पसल सञ्चालन गर्दै आईरहेका छन् ।
उनले भने,‘अहिलेको संकटपुर्ण अबस्थामा आफुले जोखिम मोलेर पनि आफ्ना नगरभित्रका जनतालाई सेवा दिन पाउँदा मलाई धेरै खुशी लागेको छ । अहिलेसम्ममा तेल, आलु, प्याज, मटर, चना, सर्फ, साबुन लगायतका करिब ७ लाख बढिको सामान बेचिसकेको छु । अहिलेपनि मेरो स्टोरमा ५ लाख भन्दा बढिको सामान बाँकी छ । स्थानीयलाई दैनिक उपभोग्य सामग्रीको कुनै अभाव हुँदैन् ।’ मनिक लालले आफ्नै गाउँका स्थानीय इशक कबाडी र अनिश कबाडीको सहयोगमा धनुषाको सबैला, यदुकोहा, ढल्केवर लगायतका ठाउँहरुबाट सामान खरिद गरि आफ्नो नगरमा उपलब्ध गराईरहेका छन् ।
यो विषयमा टिप्पणी गर्नुहोस् !