द सौर्य मिथिला समाचारदाता
महोत्तरी, वैशाख ५ । देशै भरी कोरोना भाइरसको संक्रमण फैलिन नदिनका लागि सरकारले लकडाउन लगाएको २५ दिन भई सकेको छ । लकडाउनका कारण कतिको जागिर नै गई सकेको छ । कतिलाई भोक भोकै रात बिताउनु पर्ने बाध्यता रहेको छ । ती बाध्याताकै कारण अहिलेपनि राजधानी काठामाडौँ कोही साइकल गुडाएर त कोही पैदल नै आ-आफ्नो् जन्मथलो तिर लागेका छन् । पैदल गुड्नेहरुको त हाइवेमा लर्को नै लागेको छ । त्यस भीडमै एकजनासाइकल गुडाएर बर्दिवाससम्म पुगेका अधवैसे पुरुष भेटे । शरीर पसिनाले भिजेको थियो । लगातार साइकल गुडाएकाले उनको खुट्टा पनि सुनिएको जस्तो देखिन्थ्यो । ३५/४० वर्षिय ती पुरुषलाई बर्दिवास गौरीडाँडा भन्दा अलिमाथि पानी खान्लाइ धारा नजिकै ट्रकबाट झरे उनलाई सोध्यौँ, ‘तपाईं कहाँबाट आउनुभयो ?’
‘म काठमाडौंबाट’ उनले संक्षिप्त जवाफ फर्काए र लामो कुराकानी नगर्ने उनको मनसाय हामी बुझी सक्यौँ । त्यसपछि उनलाइ आफ्नो परिचय दियौँ ,अफ्नो परिचय दिँदा पनि उनी गाडी तिर फर्के र गाडीमा पानीको बोतल राखेर फेरी हामीतिर फर्केर हामी नजिकै आए । सायद सहयोग पाइन्छ कि भन्ने आशाका साथ उनी कुरा गर्न उत्सुक देखिए र आफ्नो पुरै परिचय दिए । उनी सुनसरी जिल्लाको सिमरिया नगरपालिका ५ दुहबी बस्ने सेवालाल चौधरी हुन् । परिचय नसक्किदै उनले भने ‘यस्तो अवस्था आँउछ भन्ने परिकल्पना समेत गरेको थिइन्’ समय कसरी बदलियो पत्तो नै भएन्, सरकारले लकडाउन लगायो लकडाउनपछि काम बन्द भयो‘ काम बन्द भएपछि माम बन्द हुने अवस्था आयो’ अनि केहि नसोची साथिसंग १ हजार रुपैया सापटि लिएर साइकलमै घर तिर लागे ।
चौधरी काठमाडौँस्थित स्वयम्भु बाट बर्दिवाससम्मको यात्रा तय गरे । उनी त्यहाँ वल्र्डलिंक इन्टरनेट कम्पनिमा दैनिक ज्यालादारीमा फाइबरको काम गर्दै आई रहेका थिए । काम नै बन्द भएपछि रोगभन्दा पहिले भोकले नै मार्ने चिन्ता उनलाई भयो । अन्ततः उनी साइकल गुडाएर घर जाने गरे । साइकल गुडाएर घरसम्म पुग्ने आशाका साथ निस्केका चौधरी सिन्धुलीको खुर्कोटको उकालो साइकलले छिचोल्न सकेनन् । उनले भने‘ म थला नै परि सकेको थिएँ, घडी साइकल हाँकेर यात्रा गरे त घडी त्यतीकै गुडाएर उकालो छिचोल्ने कोशिस गरे ।’ अगाडी भने ‘तर अहँ म सकिन खुर्कोट पुग्नै लाग्दै त्यहीँ रात गुजारे ।’ चौधरी भन्छन् थकाई मारी रहेकै अवस्थामा एउटा ट्रक आइरहेृको उनले देखे । चौेधरीले त्यो ट्रक रोकाएर ड्राइभरलाई भने म एकदमै थकित छु, गल्ने लागे मलाई बर्दिवाससम्म छोड् दिनुस । चौधरीको त्यो विनतीलाई ड्राइभरले नकार्न सकेनन् । उनलाई त्यो ट्रकले नै खुर्कोटबाट बर्दिवाससम्म पुर्याएको थियो । चौधरीका अनुसार साइकल गुडाएर आउनेहरु भन्दा पैदल हिँड्नेहरुको ठूलो लावा लस्कर रहेको छ । कोही बच्चा बोकेर त कोही समूह बनाएर पैदल नै घर पुग्ने आशामा भोकै यात्रा गरिरहेका छन् । तर उनीहरुका लागि सरकारले कुनै प्रकारको राहतको व्यवस्था गर्न नसकेकोमा दुःख व्यक्त गरे । चौधरी बर्दिवासबाट फेरी सुुन्सरी तर्फ लागे । उनी आफ्नोे गन्तव्य तर्फ लागे संगै हामी पनि उनीबाट छुट्यौँ ।
यो विषयमा टिप्पणी गर्नुहोस् !