द सौर्य मिथिला समाचारदाता
जनकपुरधाम, वैशाख ४ ।कोेरोना भाइरसको संक्रमणको त्रास अहिले पनि विश्वभरी जारी रहेको छ । विश्वको अधिकांश मुलुकमा कोरोना भाइरसको संक्रमण रोक्न अहिले पनि विभिन्न प्रयासहरु भई रहेका छन् । यसका साथै कोरोना बारे सही तथ्यांक र सूचना पुर्याउनु पनि अहिलेको समयमा चुनौतीको विषय रहेको छ । गलत तथा भ्रामक समाचारका कारण पनि जनता त्रसित छन् । जनता समक्ष सही सूचना पुर्याउने जिम्मा पनि सम्बन्धित निकायका व्यक्तिहरुको छ । त्यसको विपरित प्रदेश दुईमा गलत सूचना प्रवाहको विगविगी बढेको छ । त्यो पनि प्रदेशका मन्त्री तथा सचिवहरु बाटै । प्रदेश दुईको समाजिक विकास मन्त्री नवलकिशोर साहले मैथिली भाषामा जारी गरेको स्वास्थ्य सन्देशमा गलत सूचना प्रवाह गरेको पाइएको छ । उनले जारी गरेको सन्देशमा सोसल डिस्टान्सिंग अर्थात सामाजिक दूरीको अर्थ लकडाउनको रुपमा अर्थयाएका छन् । उनको सो सन्देश सामाजिक सञ्जालमा भाइरल भएसंगै मन्त्री साहलाई आलोचनाको पात्र बन्नु परेको छ । कतीले उनको सन्देशलाई लिएर व्यङ्गय समेत गरिरहेका छन् । मन्त्री पदमा आसिन भएको व्यक्तिले सोसल टिस्टान्सिंगलाई अथर््याउन नससक्नु दुःखद रहेको स्थानीयवासीहरुको भनाई छ । हुनत सोसल डिस्टेन्सको अर्थ हुन्छ समाजिक दूरी अर्थात एक व्यक्तिबाट अर्को व्यक्ति बीच दूरी कायम गर्नु हो ।
लकडाउनको सामान्य अर्थ हुन्छ संक्रमण वा विपत परिस्थितिमा आम नागरिकलाई सुरक्षाका लागि घरभित्रै बस्नु हो । लकडाउनमा समाजिक दूरी कायम गर्ने गरिन्छ । मन्त्री साहको गलत सन्देशको प्रदेश भरि निकै आलोचना भइरहेको छ । समाजिक संजालमा मन्त्रीको भनाईलाई उडाएको खिल्ली अहिले भाइरल नै बनेको छ । यती मात्र नभई मन्त्रीका अतिरिक्त मन्त्रालयको सचिवले समेत गलत सूचना प्रवाह गरेको पाइएको छ । मन्त्रालयका सचिव घिमिरे बुधवार वैशाख ३ गतेका दिन सार्वजनिक गरेको मिडिया ब्रिफिङ्गमा प्रवाह गरेको गलत तथ्यांक सामाजिक संजालमा भाइरल भई रहेको छ ।
सचिव घिमिरेले मिडिया ब्रिफिङ्गमा सप्तरी जिल्ला स्थित गजेन्द्रनारायण सिंह अंचल अस्प्तालको आइसोललेशन वार्डमा कहिले १ जना त कहिले ३ जना भर्ना गरेको भनेका छन् । उनी मिडिया ब्रिफिंंग गरिरहँदा आफै स्पष्ट देखिदैनन् कति जना आइसोलेशन वार्डमा रहेको छ ।त्यस्तै बारा जिल्लामा मंगलावर १४ जना आइसोलेशन वार्डमा रहेको कुरालाई सच्याएर मात्र २ जना रहेको सच्याइएको भनी भनेका छन । यी सामान्य त्रुटि बाहेक पर्सा जिल्लामा २ सय ८६ बेडको क्वारेन्टाईन ८ सय ६३ जनालाई राखिएको भनेका छन । यो गलत तथ्यांक ३/४ पटक दोहरयाउंदै पछि रेकर्ड गलत भएकोले ८ सय ६३ तथ्यांक मिलेन भन्दै बेड संख्या छाडेर पर्सामा ८ सय ६३ जना रहेको भनेका छन ।अधिकारिक निकायबाट नै यस्तो गलत सूचना प्रवाह हुँदा आमनागरिकको स्वास्थ्यप्रति मन्त्रालय नै गम्भिर नरहेकोे स्पष्ट हुन्छ स्थानीयहरुकोे ठम्याई छ ।
यो विषयमा टिप्पणी गर्नुहोस् !