द सौर्य मिथिला समाचारदाता
ऐजेन्सी
जनकपुरधाम, वैशाख २ । कोरोना भाइरस ९कोभिड १९ं० को संक्रमणबाट पाकिस्तानका पूर्व प्रथम श्रेणी क्रिकेटर जफर सरफराजको मृत्यु भएको हो । पाकिस्तानको जिओ टीवीले अस्पताल स्रोत लाई जनाउँदै सरफराजको सोमवार राति लेडी रीडिंग अस्पतालमा कोरोनाको कारण मृत्यु भएको जनाएको हो । ५० वर्षीय सरफराज पाकिस्तानको पहिलो पेशावर क्रिकेट खिलाड़ी हुन् ।गत मंगलवार जफर सरफराजका टेस्ट पोजेटिभ आएको थियो र उनि पछिल्लो तीन दिन देखि वेंटिलेटरमा थिए । जफर पाकिस्तानका अंतरराष्ट्रीय क्रिकेटर अख्तर सरफराजका भाई थिए । जसले दिसंबर १९९७ देखि अक्टूबर १९९८ को बिच चार वटा वनडे म्याच खेलेर चार पारीमा ६६ रन बनाएका थिए । पेशावरमा पछिल्लो साल क्यान्सरको कारण अख्तरको मृत्यु भएको थियो ।
जफर सरफराज १९८८ देखि १९९४ को बीचमा प्रथम श्रेणी र १९९० देखि १९९२ को बिचमा लिस्ट९ए क्रिकेट खेलेका थिए । उनी पेशावरको लागि १५ वटा प्रथम श्रेणीको म्याचमा ६१६ रन बनाएका थिए । उनि २००० को मध्यमा पेशावरको सीनियर र अंडर९१९ टीमको कोँच समेत थिए । कोरोनाको कारण पछिल्लो महिना पाकिस्तानका पूर्व स्क्वॉश खेलाडी आजम खानको ९५ वर्षको उमेरमा मृत्यु भएको थियो । उनी १९५९ देखि १९६२ को बिचमा लगातार चारवटा ब्रिटिश ओपन खिताब जित्न सफल भएका थिए । उनको मृत्यु लंदनमा भएको हो । पाकिस्तानमा कोरोनाको कारण अहिले सम्म करिब एक सय जनाको मृत्यु भएको हो ।
यो विषयमा टिप्पणी गर्नुहोस् !