जनकपुरधाम, असार २ गते ।
दोहोरो नागरिकता लिएको आरोपमा धनुषा प्रहरीले एक जनालाई पक्राउ गरेको छ ।
पक्राउ पर्नेमा जनकपुरधाम उपमहानगरपालिका वडा नम्बर–८ निवासी २३ वर्षीय आनन्द मिश्र भन्ने आनन्द मोहन शरण रहेको जिल्ला प्रहरी कार्यालय धनुषाले जनाएको छ ।
जिल्ला प्रहरी कार्यालय धनुषाबाट खटिएको विशेष अनुसन्धान टोलीले गोप्य सूचनाको आधारमा आनन्दलाई जनकपुरधाम उपमहानगरपालिका वडा नम्बर–४ बाट नियन्त्रणमा लिएको प्रहरी नायब उपरीक्षक प्रदीप बहादुर क्षेत्रीले जानकारी दिएका छन् ।
देहोरो नेपाली नागरिकता लिएका शरणलाई तत्काल नियत्रणमा लिई नागरिकता सम्बन्धी कागजातहरू माग गरी हेर्दा आनन्द मिश्र नामको नागरिकताको प्रतिलिपि र आनन्द कुमार मिश्र नाम गरेको सक्कलै नागरिकताको प्रतिलिपि समेत देखाएकोमा नागरिकताको प्रतिलिपिहरू बरामद गरेर नागरिकता सम्बन्धि मुद्दामा म्याद थप गरी अनुसन्धान भइरहेको जिल्ला प्रहरी कार्यालय धनुषाले जनाएको छ ।
यो विषयमा टिप्पणी गर्नुहोस् !