द सौर्य मिथिला समाचारदाता
जनकपुरधाम, चैत ३० । विरगंज स्थित नारायणी क्षेत्रिय अस्पतालमा रहेका तीन भारतीय नागरिक कोरोना पोजेटिभ रहेको पुष्टि भएको हो । शुक्रवार हेटौंडामा गरिएको प्रारम्भिक परीक्षणमा कोरोना भाइरस ९कोभिड १९० पोजेटिभ देखिएपछि पुनः परीक्षणका लागि काठमाडौं पठाइएका तीनै जनााको स्वाब नमुनामा कोरोना भेटिएको पुष्टि भएको हो । संघीय स्वास्थ्य मन्त्रालय र वाग्मती प्रदेशको सामाजिक विकास मन्त्रालय स्रोतका अनुसार पुनः परीक्षणमा पनि तिनीहरुमा कोरोना पोजेटिभ देखिएको पुष्टि भएको हो । वाग्मती प्रदेशको सामाजिक विकास मन्त्रालयले हेटौंडामा गरिएको कोरोना भाइरसको स्वाब परीक्षणमा तीनजनाको रिपोर्ट पोजेटिभ देखिएपछि थप परीक्षणका लागि शनिबार काठमाडौंस्थित राष्ट्रिय जनस्वास्थ्य प्रयोगशालामा पठाएको थियो । शनिबार साँझ काठमाडौंबाट नतिजा पोजेटिभ देखिएको खबर आएको मन्त्रालयले बताएको छ । यता स्वास्थ्य मन्त्रालयले यो नतिजा सार्वजनिक गर्ने तयारी गरिहरेको छ ।
कोरोना पोजेटिभको सुचना पाएपछि नारायणी क्षेत्रीय अस्पतालमा इमर्जेन्सी बाहेकका अन्य सबै सेवाहरु बन्द गरिएको छ । यस सँगै अब नेपालमा कुल १२ जना कोरोना संक्रमित भएको हो । एक जना उपचार पछि स्वस्थ्य भएर घर फर्केका छन् भने बाँकीको उपचार भईरहेको छ । यता शनिबार साँझ उनीहरुसँगै छपकैयाँस्थित श्रीराम हल अगाडिको मस्जिदमा बस्दै आएका अन्य २१ धर्मप्रचारकहरुलाई पनि क्वारेन्टाइनमा पठाइएको छ । उनीहरुलाई स्थानीय सिद्धार्थ मावीको क्वारेन्टाइनमा सारिएको छ । नेपालमा अहिले सम्ममा कुल १२ जना कोरोना संक्रमित भएका छन् भने विश्वभरमा करिब १८ लाख व्यक्ति कोरोना संक्रमित रहेका छन् । कोरोनाको कारण अहिले सम्ममा विश्वभरमा करिब १ लाख ९ हजार व्यक्तिको मृत्यु भएको हो ।
रासस
यो विषयमा टिप्पणी गर्नुहोस् !