एजेन्सी ।
बलिउड अभिनेता आमिर खान र उनकी पत्नी किरण रावले सम्बन्ध विच्छेद गरेका छन्। शनिबार दुवै जनाले संयुक्त विज्ञप्ति जारी गर्दै आफूहरुको वैवाहिक सम्बन्ध अन्त्य भएको जानकारी गराएका हुन्।
१५ वर्षअघि उनीहरूको विवाह भएको थियो। दुवै जनाले सम्बन्ध अन्त्य गर्दै नयाँ अध्यायको सुरु भएको उल्लेख गरेका छन्।
सन् २००५ मा विवाह बन्धनमा बाँधिएको यो जोडीबाट सन् २०११ मा छोरा आजाद जन्मिएका थिए। छोरालाई मिलेर हुर्काउने उनीहरूको भनाइ छ।
लगान फिल्मको क्रममा आमिर र किरणबीच भेट भएको थियो। फिल्ममा किरण सहनिर्देशक थिइन् भने आमिर अभिनेताको भूमिकामा थिए।
किरणसँग विवाह गर्नुअघि आमिरको विवाह रीना दत्तसँग भएको थियो। आमिर र रीनाका तर्फबाट ईरा र जुनाइद जन्मिएका थिए।
यो विषयमा टिप्पणी गर्नुहोस् !