काठमाडौँ, जेठ २८ ।
पूर्वी क्षेत्र हुँदै यो वर्षको मनसुन शुक्रबारदेखि नेपाल प्रवेश गरेको छ ।
जल तथा मौसम पूर्वनुमान महाशाखाका अनुसार बंगलाको खाडी आसपासमा विकसित भएको न्यून चापीय क्षेत्रका कारण शुक्रबार मध्याहन्न पछि मनसुन नेपाल प्रवेश गरेको हो ।
प्रदेश १, प्रदेश २ र बागमती प्रदेश आसपासमा मनसुन आएको मौसमविद राजु प्रधानाङ्गले बताएका छन् ।
एक दुई दिनभित्र मनसुन देशभर फैलिने महाशाखाले जनाएको छ ।
आउँदो हप्ता मनसुन सक्रिय भई देशका धेरै स्थानहरुमा हल्कादेखि मध्यम वर्षा तथा केहही स्थानहरुमा भारी वर्षा हुने सम्भावना रहेको छ ।
यस्तै थोरै स्थानमा निकै भारी वर्षाको सम्भावना रहेको हुनाले आवश्यक सतर्कता अपनाउन मौसमविदले आग्रह गरेका छन् ।
मौसम पूर्वानुमान महाशाखाले मनसुनलाई निरन्तर अनुगमन गरिरहेको मौसमविद प्रधानाङ्गले बताएका छन् ।
यो वर्षको मनसुनमा औसतभन्दा बढी पानी पर्ने सम्भावना रहेको मौसमविज्ञान विभागले जनाएको छ ।
वर्षा बढी हुने हुँदा विपदका घटना पनि बढ्न सक्ने तर्फ विभागले सचेत गराएको छ ।
यो विषयमा टिप्पणी गर्नुहोस् !