द सौर्य मिथिला समाचारदाता
जनकपुरधाम, चैत २८ । कोरोना भाइरससको संक्रमणको खतरालाई ध्यानमा राख्दै गत चैत १० गते देशैभरी लकडाउउन लगायो । लकडाउन लगाएसंगै छिमेकी देश भारत र चिनसंगको ससीमा नाका पूर्ण रुपमा सिसल गर्यो । सीमा नाका सील भएको १८ दिनभन्दा बढी समय भई सकेपनि महोत्तरीको एक सीमानाकामा व्यापारीहरु खुलेआम रुपमा मालसामान ओसार पोसार गर्दै आई रहेका छन् । महोत्तरीको मनरा सिस्वा नगरपालिका वडा नम्बर–५ स्थित सिस्वा कटैयासँगै टाँसिएको धरहरबा बोर्डरबाट सीमानाकाहरु बन्द रहेपनि अधिकांश व्यापारीहरु अहिलेपनि दैनिक रुपमा मालसामान ओसार पोसार गरिरहेका छन् ।
प्रदेश सरकारले भारतसंग जोडिएको १ सय ९ वटै नाकाहरु पुर्णरुपमा बन्द रहेको दाबी गरिरहँदा महोत्तरीको यस नाकाबाट अहिलेसम्म पनि दैनिक दर्जनौं व्यापारीहरु दैनिक उपभोग्य सामग्रीहरु भारत तर्फबाट बलेकिया मार्फत साइकलमा ढुवानी गरिरहेको सिस्वा कटैयाका एक स्थानीयले नाम नबताउने शर्तमा जानकारी दिए । उनले भने,‘धरहरबा बोर्डरबाट प्रायः सबैदिन व्यापारीहरु आलु, प्याज, चिनी, तेललगायतका खाद्यान्न सामग्रीहरु ल्याउँछन् । दिनमा दुबै तर्फका सुरक्षाकर्मीहरुले कडाई गरेपनि राती ८ बजे पछी उनीहरुकै संलग्नतामा व्यापारीले बलेकिया मार्फत साइकलमा राखेर सामान मगाउन सुरु गरिहाल्छन् ।’ उनले त्यस नाकाबाट साँझ पर्ने वित्तिकै बोराका बोरा खाद्यान्न सामग्रीहरु अजमरपट्टी, भटौलिया, बखरी, सरपल्लो बलवासम्मका व्यापारीहरुले ओसार पोसार गरिरहेको जानकारी उनले दिए ।
कोरोना भाइरसले महामारीको रुप लिई जनजीवन त्रासमय बन्दै जाँदा भारतसँग जोडिएको यस सीमानाकामा मालसामान ढुवानीमा चलखेल बढ्न थालेपछि हामी पनि कोरोनाको चपेटमा पर्नसक्ने डर छ,उनले भने ।’ यस सम्बन्धमा सीमा प्रहरीचौकी कट्टी कटैयाका इन्चार्ज प्रहरी सहायक निरीक्षक पवन कान्त मिश्रले आठ किलोमिटरको यस खुल्ला बोर्डरमा सानोकट्टी, सहसराम र कटैया गरि तिनवटा नाका टाँसिएर रहेकाले घाँस, गहुँ लगायत काट्ने बहानाले बोर्डरपारी गई केही व्यक्तिहरु चोरबाटोबाट सामान ओसार पोसार गरिरहेको कुरा हामीलाई पनि जानकारीमा आएको बताए । उनले भने,‘हामी यस प्रहरीचौकीमा जम्मा ८ जना सुरक्षाकर्मी मात्रै रहेकाले यसलाई नियन्त्रण गर्न अलि कठिनाई भईरहेको छ ।’
यो विषयमा टिप्पणी गर्नुहोस् !