द सौर्य मिथिला समाचारदाता
काठमाडौँ, जेठ १५ ।
सरकारले जनकपुरधास्थित रहेको जानकी मन्दिरलाई विश्व सम्पदा सूचीमा सूचीकृत गराउने प्रकृया अगाडी बढाउने भएको छ ।
अर्थमन्त्री विष्णु पौडेलले आर्थिक वर्ष २०७८÷२०७९को बजेट प्रस्तुत गर्दै जानकी मन्दिरलाई विश्व सम्पदा सूचीमा सूचीकृत गराउने प्रकृया अगाडी बढाइने बताए ।
जानकी मन्दिरका साथै भगवान गौतम बुद्धसंग सम्बन्धित तिलौराकोटलाई समेत विश्व सम्पदा सूचीमा सूचीकृति गराउने प्रकृया अगाडी बढाइने भएको छ ।
यसका साथै सरकारले चितवनको अयोध्यापुरीमा राम मन्दिर बनाउनका लागि बजेट छुट्याएको छ ।
अर्थमन्त्री विष्णु पौडेलले शनिबार आर्थिक वर्ष २०७८÷७९ का को बजेट सार्वजनिक गर्दै राम मन्दिर निर्माणका लागि बजेट छुट्याइएको बताए ।
पछिल्लो समय प्रधानमन्त्री केपी शर्मा ओलीले राम नेपालमा जन्मिएको बताउँदै अयोध्यापुरीमा राम बन्दिर बनाउन सुरू गरिसकेका छन् ।
यस्तै केही समय अगाडि मात्र मूर्ति बनाएर चितवन पठाइसकेका छन्।
उनले देशभरको संस्कृति झल्कने गरी कीर्तिपुरमा राष्ट्रिय सांस्कृति संग्राहलय दुई वर्षभित्र निर्माण गरिने बताए ।
यो विषयमा टिप्पणी गर्नुहोस् !