द सौर्य मिथिला समाचारदाता
जनकपुरधाम, जेठ १५ ।
जनकपुरधामको ऐतिहासिक कुपेश्वरनाथ महादेव मन्दिरमा गएराति चोरी भएकोे छ ।
जनकपुरधाम उपमहानगरपालिका वडा नम्बर १२स्थित रहेको ऐतिहासिक कुपेश्वरनाथ महादेव मन्दिरको द्वारको ताल्चा तोडेर चोरी भएको हो ।
राति अविरल वर्षा भईरहेको र पूजारीहरु गहिरो निद्रामा रहेको अवस्थामा चोरहरुले मन्दिरको शिवलिंगमा रहेको चाँदीको नाग र दान पेटिकामा रहेको पैसा चोरेर लगेको धनुषाका प्रहरी नायव उपरीक्षक मकेन्द्रकुमार मिश्रले जानकारी दिए ।
दानपेटिकामा रहेको लगभग ४० हजार रुपैया समेत चोरी भएको प्रहरी नायव उपरीक्षक मिश्रले बताए ।
यद्यपि चोरहरु फेला नपरेको र अनुसन्धान भईरहेको उनले बताए ।
केही दिन अगाडी मात्रै मन्दिरका महन्थले गुठी संस्थानलाई पत्र लेखेर मन्दिरको जग्गा खाली गराउन उजुरी दिएका थिए ।
उजुरी पश्चात गुठी संस्थानले मन्दिरको जग्गामा रहेको घर तथा टहराहरु खाली गर्न लगाएको थियो । त्यसको केही दिन नबित्दै मन्दिरमा चोरी भएको हो ।
यो विषयमा टिप्पणी गर्नुहोस् !