द सौर्य मिथिला समाचारदाता
जनकपुरधाम, चैत २७ । जनकपुरधाम वडा नम्बर ४ माछा बजारकी राधा देवीको श्रीमानको गत सोमबार निधन भयो । श्रीमान राजकुमार साहको निधन भएसंगै उनको एउटै सहारा पनि भगवानले छिनेर लगे ।
५५ वर्षिया राधा श्रीमान संगै सानो चिया पसल चलाएर गुजारा चलाउँदै आएका थिए । सन्तान नरहेका कारण श्रीमानको मृत्यू पछि उनलाई एक्लै बाँकी जीवन काट्ने बाध्यता रहेको छ । श्रीमान राजकिशोरको रक्सी खाने कुलत त्यसमाथि जण्डिस रोगको पीडाले कालगति प्राप्त गर्नु परेको उनले सुनाइन् । उनी सोही सानो चिया पसल बाट आउने आम्दानीबाट जसोतसो श्रीमानको उपचारमा चाहिने औषधी किन्ने गर्थिन् । उनी र राजकिशोर माछाबजार नजिकै ३ हजार भाडा तिरेर सो पसहल चलाउँथे । श्रीमानको मृत्यूपछि राधा स्वयंले आफ्नो श्रीमानलाई दागवती दिइन् । कोरोनाको त्रास र लकडाउनका कारण दाह संस्कारमा समाजका अन्य व्यक्ति कोही शामिल भएनन् ।
राधा देवी भनिन् ‘श्रीमानको मृत्यू पछि मैले दाहसंस्कारमा शामिल हुन कति जनालाई भने कोही काँध दिने भएनन्, अगाडी भनिन् अन्त्यमा मेरो देवर दिलीप साह र भाई रमेश साह मिलेर जसोतसो श्मसानसम्म पुर्याए त्यसपछि मात्रै दाहसंस्कार सम्पन्न भयो ।’ हुनत राधाबाट सन्तान नभएपछि उनको श्रीमान राजकुमारले अर्को बिहे गरे । कान्छी श्रीमतीबाट दुई छोरा र एक छोरी पनि छन् । तर कान्छी श्रीमती अर्को बिहे गरेपछि ती सन्तानहरुको पनि उनलाई भर रहेन । राधा भन्छिन् ‘आफू एक्लै भएपनि सहयोग गर्नका लागि कोही आएका छैनन् न समाजका व्यक्ति न कोही । ’संस्कारमा लाग्ने खर्चको जोहो गर्न उनलाई धौ धौ परिरहेको छ । लकडाउनका कारण केही साता यता पसल नै बन्द गर्नु परेको थियो, आम्दानी भएको जति सबै खर्च भयो, अब कृया खर्च कसरी उपर गर्ने चिन्ता लागेको राधाले भनिन् । कोही यो विषम परस्थितिमा सापटी पनि दिन नमानिरहेको उनले बताइन् ।
उनको यो पीडा देखेर नेपाल तरुण दल धनुषाको उपाध्यक्ष राकेश बिक्रम साहलाई सह्य भएन । उनले नै केही सहयोग रकम जम्मा गरेर राधा देवीलाई उपलब्ध गराएका छन् । राधाका अनुसार राकेश नभएको भए उनको श्रीमानको दाह संस्कार गर्न पनि गाह्रो हुन्थ्यो । तर राहतको श्वाँस लिदै भनिन् ‘धन यो संसारमा अहिले पनि मानवियता जिवित छ ।’
यो विषयमा टिप्पणी गर्नुहोस् !