द सौर्य मिथिला समाचारदाता
जनकपुरधाम,चैत २४ गते । लकडाउनको समयमा सञ्चालन गरिदैँ आएको हाटबजार स्थानीय प्रशासनले बन्द गराउने भएको छ । जिल्ला प्रशासन कार्यालय महोत्तरीले आज एक सूचना जारी गर्दै लकडाउनको समयमा समेत हाटबजार लागेपछि भीडभाड व्यवस्थापन हुन नसकेकाले भोलीदेखि हाटबजार सञ्चालनमा रोक लगाईने जानकारी गराए ।
कार्यालयले तरकारी विक्री वितरणको कार्य स्थानीय तह र वाणिज्य संघको समन्वयमा साईकल, ठेलागाडा तथा टेम्पोमार्फत गरिने जनाए । जारी गरिएको सूचनामा अति आवश्यक बाहेक घरबाट बाहिर ननिस्किन आग्रह गर्दै उक्त आग्रहलाई वेवास्ता गरे प्रहरीद्वारा बल प्रयोग गरी नियन्त्रण गरिने स्थानीय प्रशासनले चेतावनी समेत दिए ।
यो विषयमा टिप्पणी गर्नुहोस् !