द सौर्यमिथिला समाचारदाता
काठमाडौँ, चैत २४ । कोरोना भाइरस (कोभिड-१९) लाई मध्यनजर गर्दै सरकारले लकडाउनको अवधि थप ८ दिन लम्ब्याउने निर्णय गरेको छ। आज बसेको मन्त्रिपरिषद बैठकले बैशाख ३ गते सम्म लकडाउन गर्ने निर्णय गरेको हो।
दोस्रो पटक थपिएको लकडाउनको समयअवधि मंगलबार मध्यरातसम्म थियो। चैत्र ११ गते देखि सरकार लकडाउनलाई निरन्तरता दिँदै आएको हो।
त्यस्तै आजको बैठकले महाप्रसाद अधिकारीलाई गर्भनरमा नियुक्त गर्ने निर्णय गरेको पनि एक मन्त्रीले बताए। अर्थमन्त्री युवराज खतिवडाको संयोजनमा गठित समितिले बरिष्ठ डेपुटी गभर्नर चिन्तामणि शिवाकोटी, पूर्वडेपुटी गभर्नर एवं लगानी बोर्डका प्रमुख कार्यकारी अधिकृत महाप्रसाद अधिकारी र पूर्वसचिव राजन खनाललाई सिफारिस गरेको थियो।
त्यस्तै आजको बैठकले कोरोनाको रोकथाम तथा नियन्त्रणमा स्वास्थ्य स्वय्मसेबिकलाई खटाउने, उनीहरुलाई सहजिकरण गर्ने र त्यसका लागि प्रत्येक दिन १५ सय रुपैयाँ दिने निर्णय पनि बैठक गरेको छ।
यो विषयमा टिप्पणी गर्नुहोस् !