द सौर्य मिथिला समाचारदाता
जनकपुरधाम, फागुन ७ ।
प्रदेश २ को प्रदेश प्रमुखबाट पदमुक्त गरिएका तिलक परियार अदालत जाने निर्णय गरेका छन्।
शुक्रवार मन्त्रिपरिषद्को सिफारिसमा राष्ट्रपति विद्यादेवी भण्डारीले प्रदेश २ का प्रदेश प्रमुख रहेका परियारलाई पदमुक्त गरेपछि उनी अदालत जाने निर्णय गरेका हुन्।
उनका अनुसार उनलाई राष्ट्रपति कार्यालयबाट प्रदेश प्रमुखको पद बाट पदमुक्त गरिएको पत्र समेत आइसकेको छ।
उनले प्रदेश प्रमुखको रुपमा आफ्नो कार्यसम्पादनमा कुनै विवाद नभएनि गुट उपगुटको राजनीतिमा आशंकाको भरमा पदमुक्त गरिएको आरोप लगाए ।
आशंकाको भरमा पदमुक्त गर्न मिल्दैन त्यस्तै थियो भने आवश्यक तथ्य र प्रमाण देखाउनु पर्थ्यो ।
उनले भने पूर्वमाओवादीबाट आफू आएको कारण पदमुक्त गरिएको हो भने त्यो अझै दूर्भाग्यपूर्ण हुनेछ ।
उनले आफूलाई बिना कारण पदमुक्त गर्नु व्यक्तिगत मात्र नभइ सिङ्गो दलित समुदायमाथिको आक्रमण रहेको उनको भनाई छ।
यो विषयमा टिप्पणी गर्नुहोस् !