द सौर्यमिथिला समाचारदाता
जनकपुरधाम, चैत २१ । प्राचिन मिथिलाको राजधानी एवं वर्तमान प्रदेश २ को अस्थाई राजधानी सुनसान भएको हो । विगत ११ दिन देखि लकडाउनको कारण जनकपुरधाममा मानिसहरुको आवत जावत बन्द भएपछि अहिले सुनसान बनेको छ । हिन्दुधर्मावलम्बीहरुको आस्थाको केन्द्रको रुपमा रहेको जनकपुरधाममा प्रत्येक दिन भारतीय नगरिक सहित तेस्रो देशका पर्यटकहरु आउने गर्थे तर लकडाउन भएपछि अहिले पुरा शहर नै सुनसान बनेको हो ।
विश्वभर कोरोना भाइरस (कोभिड १९) महामारीको रुपमा फैलिदै गएपछि नेपालमा यसको संक्रमण रोक्न नेपाल सरकारले लकडाउन गर्ने निर्णय गरेको हो जसको कारण अहिले यो शहर सुनसान भएको हो । लकडाउनको सुरुवाती समयमा लकडाउन उलंघन गर्नेहरुको संख्या बढी रहेपनि समय बित्दै जाँदा यसको उलंघन गर्नेहरुको संख्यामा कमी आएको हो । धनुषा प्रहरीको सक्रियता र स्थानियवासीमा चेतना भएसँगै सबै जना आ–आफ्नो तर्फबाट यसको पालना गरेका छन् ।
शुक्रवार धनुषा जिल्लाभरमा लकडाउनको उलंघन गर्ने एक जना सहित ३८ वटा मोटरसाईकल र एउटा ईरिक्सा नियन्त्रणमा लिएको जिल्ला प्रहरी कार्यालय धनुषाका प्रहरी नायव उपरीक्षक रामेश्वर कार्कीले जनाएका छन् ।
यो विषयमा टिप्पणी गर्नुहोस् !