द सौर्यमिथिला समाचारदाता
जनकपुरधाम, चैत २१ । लकडाउनको समयमा समेत लागुऔषधको तस्करी घटेको छैन् । कडा सुरक्षाको बिच सिरहामा लागुऔषध लिएर आउँदै गरेको दुईजना प्रहरीलाई हेरेर भाग्न खोज्दा दुर्घटनामा परेका छन् । दुर्घटनामा परेकाहरुमध्ये एकको अवस्था गम्भिर रहेको छ भने एकजना सामान्य अवस्थामा रहेका छन् । दुवैजना सवार मोटरसाईकल निर्माणधिन घरलाई ठक्कर दिँदा दुर्घटनामा परेका छन् । दुर्घटनामा मिर्चैया नगरपालिका वडा नं. ५ का २९ वर्षीय उचित भन्ने नागेन्द्र पासवानको अवस्था गम्भिर रहेको सिरहाका प्रहरी प्रवक्ता प्रहरी नायव उपरिक्षक विनोद घिमिरेले जानकारी दिएका छन् । त्यस्तै सो दुर्घटनामा मोटरसाइकल चलाई रहेका कल्याणपुर नगरपालिका वडा नं. ८ का ३२ वर्षीय लालु खान सामान्य घाइते भएका छन् ।
दुवैजना विहिवार मोटरसाईकलमा सवार भएर पूर्व तर्फबाट पश्चिम तफै आउँदै गरेको अवस्थामा प्रहरीको गस्ती टोलीलाई हेर्दा मोटरसाईकल फर्काई पूर्व तर्फ तिव्र गतिमा भाग्दा सिरहा नगरपालिका वडा नं. १२ सारस्वर चैक भन्दा पूर्व गुलरिया सारस्वर सडक खण्डमा बन्दै गरेको भवनमा ठक्कर दिँदा दुई जनामध्ये एक जना गम्भिर घाइते भएका छन् भने एकजना सामान्य घाइते भएका छन् ।
उचित भन्ने नागेन्द्रको अवस्था गम्भिर रहेकोले उनलाई तत्काल सिरहाको अस्पतालमा सामान्य उपचार गराई थप उपचारको लागि बिराटनगर नर्सिंग होम पठाइएको र लालु खानलाई लागुऔषध डाइलेक्स डिसि १०० एमएलको ४६ बोतल सहित आवश्यक कारवाहीको लागि जिल्ला प्रहरी कार्यालय सिरहामा ल्याएको प्रहरी नायव उपरीक्षक घिमिरेले जानकारी दिए ।
यो विषयमा टिप्पणी गर्नुहोस् !