द सौर्य मिथिला समाचारदाता
जनकपुरधाम, चैत २० । विश्वभर कोरोना भाइरस (कोविड–१९) महामारीको रुपमा फैलिएपछी पुर्व क्रिकेटर तथा सांसद गौतम गम्भीरले पीएम केयर्स फंडमा आफ्नो दुई वर्षको तलब दिने घोषणा गरेका छन् ।। कोरोनाको कारण भारतमा अहिले सम्म ६५ जनाको मृत्यु भएको छ भने दुई हजार भन्दा बढी व्यक्ति यसबाट संक्रमित रहेका छन् । अहिले भारतमा समेत २१ दिनको लागि लकडाउन गरिएको हो ।
क्रिकेटरबाट राजनीतिज्ञ बनेका गौतम गंभीर ले बिहिवार कोरोना वायरस महामारीबाट बँचाउनको लागि सांसदको रुपमा आफ्नो २ वर्षका तलब आपात स्थिति प्रधानमंत्री नागरिक सहायता र राहत कोष (पीएम केयर्स फंड) मा दिने निर्णय गरेका छन् । पूर्वी दिल्लीबाट भाजपाका लोकसभा सांसद गम्भीरले आफ्नो ट्विटर पेजमा मानिसलाई यस महामारीबाट बँच्नका लागि सहयोग गर्नका लागि अपिल समेत गरेका छन् ।
गंभीर ले भने, ‘‘मानिस सोधछन् कि उनका लागि देशले के गर्न सक्छ । तर सहि प्रश्न यो छ कि तपाई देशको लागि के गर्न सक्नु हुन्छ । म आफ्नो दुई वर्षको तलब पीएम केयर्स फंडमा दान गर्दै छु । तपाई पनि अगाडी आउनुस् ।’’
गंभीरले यसभन्दा पहिले आफ्नो १ महीनाको तलब र सांसद स्थानीय क्षेत्र विकास कार्यक्रम कोषबाट एक करोड़ रुपैया दिने निर्णय गरेका थिए । विश्वभरीमा अहिले सम्म यस भाइरसको कारण ४७ हजार भन्दा बढीको मृत्यु भएको हो भने करिब १० लाख व्यक्ति संक्रमित रहेका छन् ।
यो विषयमा टिप्पणी गर्नुहोस् !