द सौर्य मिथिला समाचारदाता
जनकपुरधाम, मंसिर १० ।
जनकपुरधाममा पूर्व राजा ज्ञानेन्द्रको पक्षमा मोटरसाईकल ¥याली निकालिएको छ ।
नेपाललाई पुनः हिन्दू राष्ट्र कायम गर्नुपर्ने र २०४७ सालको संविधान लागु गर्नुपर्ने माग गर्दै नेपाल राष्ट्रवादी समुहले ¥याली निकालेको छ ।
बुधबार जनकपुरधाम स्थित रेल्वे स्टेशनबाट नेपाल राष्ट्रवादी समुह धनुषाले राजतन्त्र फर्काउनुपर्ने माग गर्दै राष्ट्रिय झण्डा बोकेर सयौँको संख्यामा मोटरसाइकल जुलुश निकालेका छन् ।
उक्त मोटरसाईकल ¥याली रेल्वे स्टेशनबाट भानु चोक, मुरली चोक, रामानन्द चोक, मुख्यमन्त्री कार्यालयको अगाडी लगायतका क्षेत्रमा परिक्रमा गरेका छन् ।
पूर्व राजाको पक्षमा नारा लगाउँदै उनीहरु नेपाललाई पुनः हिन्दू राष्ट्र कायम गर्नुपर्ने, २०४७ सालको संविधान लागु गर्नुपर्ने, राजतन्त्र पुनर्वहाली गर्नुपर्ने, भ्रष्टाचार अन्त्य गर्नुपर्ने, हत्या हिंसा बलात्कार जस्ता घटना नियन्त्रण गर्नुपर्ने लगायतका नाराहरु लगाएका छन् ।
कोणसभामा बोल्दै सहभागीहरुले देशमा अब राजाको विकल्प नरहेको बताएका छन् । देशमा अहिले हत्या, हिंसा, बलात्कार जस्ता घटनाहरु दिन दिनप्रतिदिन मौलाउँदै गएकोले देशलाई अहिले राजाकै आवश्यकता रहेको उनीहरुले बताएका छन् ।
यो विषयमा टिप्पणी गर्नुहोस् !