द सौर्य मिथिला समाचारदाता
जनकपुरधाम, मंसिर १० ।
प्रदेश नम्बर दुईका आन्तरिक मामिला तथा कानून मन्त्री ज्ञानेन्द्र कुमार यादवले महोत्तरीको बर्दिबासमा भएको बालिका हत्या घटनाको विरोध प्रदर्शनमा प्रहरीले संयमता गुमाएको बताएका छन् ।
बालिका हत्याको घटनामा पिडित पक्षले न्याय पाउनुपर्ने बताउँदै मन्त्री यादवले हिजो बालिकाको हत्याको विरोधमा भएको शान्तिपूर्ण प्रदर्शनलाई तितरवितर पार्न गोली चलाएकोमा प्रहरीले संयमता गुमाएको बताए ।
शान्तिपूर्वक रुपमा राजमार्गमा आन्दोलन गरिरहेका हरुलाई प्रहरीले विभिन्न उपाय अवलम्बन गर्न सक्थ्यो ।’ मन्त्री यादवले भने ‘तर आन्दोलनकारी सँग सँगै प्रहरीले समेत धर्यता गुमायो ।’
हिजोको आन्दोलनमा प्रहरीले केका लागि र किन गोली चलाएको भन्ने बारे महोत्तरीका प्रमुख जिल्ला अधिकारी सँग जवाफ मागिएको मन्त्री यादवले बताए ।
प्रदेश सरकारले घटनाबारे प्रत्यक्ष रुपमा अनुगमन गरिरहेको बताउँदै घटनाको सम्बन्धमा प्रदेश सरकार गम्भीर रहेको दाबी गरे ।
यो विषयमा टिप्पणी गर्नुहोस् !