द सौर्य मिथिला समाचारदाता
काठमाडौं, चैत १९ । लकडाउनको समय पेट्रोल, डिजेल र मट्टितेलको मूल्य घटेको छ । पेट्रोल, डिजेल र मट्टितेलको मुल्यमा १०/१० रुपैयाँले कमी आएको छ । बुधबार नेपाल आयल निगमको संचालक समितिको बैठकले पेट्रोल, डिजेल र मट्टितेलको मूल्य प्रतिलिटर १०/१० रुपैयाँले घटाउने निर्णय गरेको हो । अन्तर्राष्ट्रिय बजारमा कच्चा तेलको मूल्यमा उच्च गिरावट आएसँगै दक्षिण एशियाली क्षेत्रमा पनि मूल्य घटेको र भारतीय आयल निगमले मूल्य घटाएर पठाएको थियो ।
अहिलेको निगमले स्वचालित मूल्य निर्धारण प्रणाली समेत निलम्बन गरेर नयाँ मूल्य निर्धारण गरेको निगमका प्रवक्ता विनितमणि उपाध्यायले जानकारी दिए । बुधबार राति देखी लागु हुने नयाँ मूल्य अनुसार अब पेट्रोलको मूल्य ९६ रुपैयाँ प्रतिलिटर, डिजेल र मट्टितेलको ८५ र हवाई इन्धनको ७५ रुपैयाँ आन्तरिक र ९५० प्रतिकिलोलिटर पर्ने छ । त्यस्तै एलपी ग्याँसको हालको मूल्यमा कुनै कमी आएको छैन् ।
यो विषयमा टिप्पणी गर्नुहोस् !