द सौर्य मिथिला समाचारदाता
महोत्तरी, चैत १८ । कोरोना भाइरस संक्रमण आशंकामा प्रादेशिक अस्पताल जनकपुरमा भर्ना भएका २ बिरामीको रिपोर्ट निगेटिभ आएको छ । भारतको जयपुर र अम्बालाबाट फर्किएका धनुषाको औरहीका एक र जनकपुरका एक गरी दुईजनालाई ज्वरो र रुघाखोकी लागेपछि प्रदेशिक अस्पताल जनकपुरको आइसोलेशनमा शनिबार भर्ना हुनु भएको थियो ।
दुवैजनाको श्वाव परीक्षणको लागि आइतबार काठमाडौंको टेकु स्थित राष्ट्रिय जनस्वास्थ्य प्रयोगशाला पठाएको थियो । मंगलवार दुवैजनाको रिपोर्ट निगेटिभ आएपछि डिस्चार्ज गरिएको प्रादेशिक अस्पताल जनकपुरका बरिष्ठ जेनरल फिजिसियन एवं कोरोना उपचारको जिम्मा पाएका डा। कुलदिप पण्डितले बताए ।
प्रादेशिक अस्पताल जनकपुरमा कोरोनो उपचारका लागि ७ वटा बेड सहितको आइसोलेशन वार्ड र कोरोना संक्रमित बिरामीलाई उपचार गर्न ५ बेडको अर्को वार्ड तयार गरिएको अस्पताल प्रमुख डा. नागेन्द्र यदवले बताए । मंगलबार पुनः ४ जना कोरोना संक्रमित शंकास्पद बिरामी अस्पतालको आइसोलेशनमा भर्ना भएपछि चारैजनाको श्वाव परीक्षणको लागि बुधबार काठमाण्डौं पठाउने डा. पण्डितले जानकारी दिनुभए ।
रासस
यो विषयमा टिप्पणी गर्नुहोस् !